[GONBIDAPENAK AGORTUTA] Panpin hautsien dantza HATXE

azaroa
22
Igandea
19:00
Klaustroa

Saski Naski zikloaren baitan, Idoia Hernandez Toledo “HATXE” musikari errenderiarraren Panpin hautsien dantza ikuskizuna izango da lehena udazken honetan.

Idoia ez da bakarrik etorriko eta taulakide izango ditu Jurdana Ochoa,  Ilargi Agirre eta Peru Galbete artistak.

Ordubeteko iraupena duen kontzertua da. Baina ez da ohiko kontzertu bat. Ezta ere bakarkako kantuen segida bat. Antzerki ikuskizunen antzera hasiera eta bukaera bat du. Kantuen arteko transizioak testuekin, argiekin edota inprobisazio eta material elektroakustikoarekin landu dira. Pieza guztiek bat eginez. Horrez gain, taula gainean musikarien hiru laurdenak emakumeak dira. Bidezkoa. Beharrezkoa.

Baso, D(r)ama, Ero eta Histeria. Gizarteak emakumeengan ezarritako mugak suntsitzeko ahalmena duen sormenezko ekintza bat. Bidezkoa. Logikoa. Beharrezkoa. Feminitateari lotutako hitzak historikoki duten edukia hustu eta askatasunarekin lotura duten edozein keinu, hitz edota sentimenduekin bete. Etiketek atzean dituzten itzal guztiak berrinterpretatzeko, birsortzeko.

GONBIDAPENAK:

*Gonbidapenak agortu egin dira.

OHARRAK:

  • Egoerak eta Lehendakariaren urriaren 26ko  36/2020 dekretuak eskatzen dituen segurtasun baldintzak (higienea, segurtasun distantziak, edukieraren kontrola…) bermatzeko neurriak hartuta gauzatuko da jarduera hau, eta tokian tokiko argibideak momentuan jakinaraziko dira jarduerak modu egoki eta seguruan burutu daitezen.
  • Jarduera hau doakoa da, baina edukiera mugatua izango denez, gonbidapenak aurrez eskuratu beharko dira Oihanederren webgunean; horretarako emanaldia baino astebete lehenago irekiko da aukera, eta hasi baino ordubete lehenago itxiko.
  • Jarduerara 10 minutu lehenago etortzea gomendatzen da.