Oihaneder Euskararen Etxea

Munduan zehar arraunean egin eta bueltan kontatzeko prest? Aurten ere baduzu udako bidaiak argazki eta hitzen bidez non kontatu! Oihaneder Euskararen Etxeak eta Gauekoak-ek emango dizute horretarako aukera!

• Argazki-hizki lehiaketan parte hartzeko:

1. Hogei argazkidun argazki-sorta aurkeztu behar da, eta argazki-sortari nahiz argazki bakoitzari euskarazko izenburua jarri.
2. Horrekin batera, egindako bidaiaren azalpen laburra bidali behar da (1500-2000 karaktere).
3. Argazki eta testuak oihaneder@oihaneder.eus helbidera bidali behar dira.
4. Horrez gain, lehiakide bakoitzak sortako argazki bat aukeratu eta Facebook, Twitter edo Instagram-era igo beharko du bere argazki sortaren izenburua zehaztuz. Igotzean #GasteiztarrakArraun traola erabili beharko du eta @oihaneder_etxea eta @gauekoak aipatu.

• Parte hartzeko epea:

Ekainaren 21etik irailaren 21era bitartean (biak barne)

• Sariak:

Lau argazki-sorta sarituko dira (250 € sorta bakoitzeko). Saritutako lau lanen egileek abenduan Durangoko Euskal Liburu eta Disko Azokan asteburu pasa kulturala irabaziko dute: 2 pertsonentzako bi gautako egonaldia Durango ondoko Garaiko landetxean (150 €)  eta azokan gastatzeko 100 €ko bonoa

Sariak bi kategoriatan banatuko dira eta kategoria bakoitzean bi sari izango dira:

1) 18-30 urte bitartekoak

2) 30 urtetik gorakoak.

• Argazki erakusketa eta aurkezpen publikoak:

Udazkenean saritutako lau argazki-sortekin erakusketa egingo da Oihaneder Euskararen Etxean (sorta bakoitzetik erakusketan jartzeko 6 argazki aukeratuko ditu egileak) eta pantaila digital batean lehiaketara aurkeztutako argazki guztiak ikusi ahalko dira.

Horrekin batera, irabazleek argazkiekin aurkezpena prestatu beharko dute bizitako bidaia kontatzeko (power-point, prezi edo bestelako euskarrian).

Aurkezpen publikoak Gasteizko lau auzo desberdinetan antolatuko dira euskararen normalizazioaren testuinguruan lan egiten duten GEU, Sarburu eta Zizta elkarteekin elkarlanean.

* Lehiaketaren oinarriak: Oinarriak_GasteiztarrakArraunTheWorld.2018

Bidaiaz gozatu eta guri kontatu!

Kortxeak & Krispetak musika eta zinema zikloaren lehenengo saioan  The Sweel Season dokumentala proiektatuko da. Saioa 22:00etan hasiko da Falerina Lorategian.  Filma jatorrizko bertsioan eta euskarazko azpitituluekin proiektatuko da. Sarrera librea da lekuak bete arte.

• Zuzendaria: Nick August-Perna, Chris Dapkins eta Carlo Mirabella
• Urtea: 2011
• Herrialdea: AEB, Irlanda eta Txekiar Errepublika
• Hizkuntza: ingelesa
• Iraupena: 91'
• Sinopsia: Mundua Glen Hansard eta Markéta Irglová-z maitemindu zen "Once" filmean antzeztu zuten elkarlan musikaria Oskar sarietan gailendu zenean. Baina kameren atzean, Glen eta Markétaren erromantzea egia bilakatu zen eremua, bi urte irauten duen mundu bira nekagarri batek patuaren lana dirudien erlazioa apurtzearekin mehatxu egiten du.

Dokumental musikal hau amodioak eta ospeak sortu bozkario eta nahasmenduari egiten zaion begirada intimoa da. 

Kortxeak & Krispetak musika eta zinema zikloaren bigarren saioan Gimme Danger dokumentala proiektatuko da. Saioa 22:00etan hasiko da Falerina Lorategian.  Filma jatorrizko bertsioan eta euskarazko azpitituluekin proiektatuko da. Sarrera librea da lekuak bete arte.

• Zuzendaria: Jim Jarmusch
• Urtea: 2016
• Herrialdea: AEB
• Jatorrizko bertsioa: ingelesa
• Iraupena: 108'
• Sinopsia: Ann Arbor-en (Michigan) sortu zen The Stooges taldearen rock'n'roll indartsu eta oldarkorra; 60. hamarkadako paisaia musikalean bonba bat izan zen. Rock, blues, R&B eta free jazz estiloen nahasketarekin,  The Stooges-ek, Iggy Pop musikariak bere debuta egin zuen taldea, beranduago rock alternatiboa bezala ezagutuko zenaren oinarriak ezarri zituen.

Gimme Danger, Jim Jarmusch-en film berriak, garai guztietako rock talde garrantzitsuenetako honen epopeia kontatzen du. Euren abentura eta zorigaitzen bitartez, dokumentalak, rock-aren Panteoira iritsi arteko The Stooges taldea musikalki, kulturalki, politikoki eta historikoki garatu zeneko testuingurua aurkezten du, haien inspirazio iturri nahiz aurreneko desafio komertzialen zergatiak gogoratuz. 

Kortxeak & Krispetak musika eta zinema zikloa NØGEN taldearen kontzertuarekin amaituko da. Kontzertua 21:00etan hasiko da Falerina Lorategian. Sarrera librea da lekuak bete arte.

Nøgen 2016an Donostian sortutako folk pop indie musikako talde bat da. Melodia eta lelo itsaskorrak dira Nøgen taldearen bizkarrezurra.

2017. urtean hiru kantaz osatutako EP fresko batekin estreinatu zen, euskarazko eta ingelesezko doinuak nahastuz eta ukelele, gitarra, baxu, bateria eta ahots ezberdinekin jokatuz.