Naturan jolasean (3-5 urte) Jolastu, sortu eta esperimentatu

iraila
01
Asteazkena
17:00
Falerina

Aurtengo proposamena bi egunetakoa izango da, eta sormena lantzeko bi saio eskainiko dira: lehenengoa 3-5 urte arteko umeentzat eta bigarrena 6-10 urte artekoentzat.

Naturan jolasean lantegian naturak eskaintzen dizkigun baliabideak kontuan hartuz, jolasten, sortzen eta esperimentatzen arituko gara. Hostoak eta harriak margotu, eraikuntzak sortu, artelanak egin eta beste gauza ugari egingo ditugu.

Iraileko bi asteazkenetan egingo diren saio hauetan gurasoen eta seme-alaben artean euskararen erabilera sustatu nahi da.

Tailer hau Arrasateko Txatxilipurdi elkarteko kideek gidatuko dute.

1988. urtean hasi zinen udaleku irekiak antolatzen eta ordutik makina bat egitasmo egin dituzte euskaratik eta euskaraz, haur eta gazteen aisia gozagai bihurtzeko eta balio hezitzaileak zabaltzeko.

Txatxilipurdik herritar autoeratuen lanean sinisten du eta horren aldeko apustua egiten. Euskara hauspotzeko, haurren eskubideen alde egiteko eta oro har mundu hobe bat izateko herritarrok hartu behar dute erantzukizuna, inori itxaron gabe.

Adorez eta atseginez, gurea baita garaipena! da elkartearen lelo nagusia.

GONBIDAPENAK:

  • Soilik bi gonbidapen hartu ahalko dira.
  • Gonbidapenak haurren izenean hartuko dira (gurasoek ez dute gonbidapenik behar).
  • Gonbidapena hartzeko orduan, adingabeak NA dokumenturik ez badu, gurasoen NA zenbakia sar daiteke. 
  • Familia jarduera izaki, haurrak gutxienez heldu batek lagunduta egon behar dira jardueran.
  • Umeak adinez bi saioetan parte hartzeko modukoak badira, eta elkarrekin etorri nahi badute, bi saioetako batean eman beharko dute izena.

Gonbidapenak eskuratzeko 3 bide egongo dira abuztuaren 25etik aurrera. Goizeko 10etatik aurrera irekiko dira hirurak:

  1. Bibe plataforman
  2. Telefonoz eskatuta (615.986.832), 10:00etatik 12:00etara
  3. oihaneder@oihaneder.eus helbidera idatzita:
    • E-posta idatzita ez da ziurtatuko gonbidapena, baieztapen-mezua jaso arte.
    • Emanaldiaren egunean bertan 14:00etan itxiko da aukera hau.
  • Telefono edo email bidez jasotzen diren datu personalak Bibe plataforman sartuko dira. Behin jarduera amaitutakoan, datu guztiak ezabatu egingo dira.
  • Gonbidapena paperean inprimatuta edo edozein gailu mugikorretan eraman daiteke.
  • Gonbidapenak agortu arte.

OHARRAK:

  • Egoerak eta Lehendakariaren maiatzaren 7ko 23/2021 dekretuak eskatzen dituen segurtasun baldintzak (higienea, segurtasun distantziak, edukieraren kontrola…) bermatzeko neurriak hartuta gauzatuko da jarduera hau, eta tokian tokiko argibideak momentuan jakinaraziko dira jarduerak modu egoki eta seguruan burutu daitezen.
  • Jarduerara 10 minutu lehenago etortzea gomendatzen da.
  • Jarduera hau doakoa da, baina edukiera mugatua izango denez, gonbidapenak aurrez eskuratu beharko dira Oihanederren webgunean; horretarako emanaldia baino astebete lehenago irekiko da aukera, eta hasi baino ordubete lehenago itxiko.
  • Jarduera hasi eta 5 minutura gonbidapenek duten balioa galduko dute.