Oihaneder Euskararen Etxea

ekaina, 2017

21eka01:0021ira23:59FeaturedGasteiztarrak Arraun The World 2017Udako argazki-hizki lehiaketa(ekaina 21) 01:00 - (iraila 21) 23:59

Ordua

Ekaina 21 (Asteazkena) 01:00 - Iraila 21 (Osteguna) 23:59

Xehetasunak

Bidaiari, munduan zehar arraunean egiteko prest? Aurten ere baduzu udako bidaiak argazki eta hitzen bidez non kontatu! Oihaneder Euskararen Etxeak eta Gauekoak-ek emango dizute horretarako aukera. Aurten parte hartzeko bi modu izango dira:
  1. Argazki-hizki lehiaketa: hogei argazkidun argazki-sorta aurkeztu behar da eta argazki-sortari eta argazki bakoitzari euskarazko izenburua jarri. Horrekin batera, egindako bidaiaren azalpen laburra bidali behar da oihaneder@oihaneder.eus helbidera. 18 urtetik gorako pertsonei zuzenduta.
  2. Publikoaren gazte saria: bost argazki igo behar dira Instagram-era egindako bidaia deskribatzen duen euskarazko izenburuarekin batera. Horrez gain, #GAW2017 traola erabili eta @gauekoak eta @oihanedereuskararenetxea aipatu beharko dira. 16 eta 30 urte bitarteko gazteei zuzenduta.
Argazkiak eta testuak ekainaren 21tik irailaren 21era bitartean, biak barne, bidali edo igo ahal izango dira. Sariak:
  1. Argazki-hizki lehiaketa: Lau argazki-sorta sarituko dira, 250 € sorta bakoitzeko. Saritutako 4 lanen egileek abenduan Durangoko Euskal Liburu eta Disko Azokan asteburu pasa irabaziko dute: 2 pertsonentzako bi gautako egonaldia Durango ondoko Garaiko landetxean (150 €)  eta azokan gastatzeko 100 €ko bonoa
  2. Publikoaren gazte saria: Durangoko Euskal liburu eta diska azokan gastatzeko 100€ko bonoa.
Argazki erakusketa eta aurkezpen publikoak: Udazkenean saritutako lau argazki-sortekin erakusketa egingo da Oihaneder Euskararen Etxean (Sorta bakoitzetik erakusketan jartzeko 5 argazki aukeratuko ditu egileak). Berrikuntza gisa pantaila digital batean lehiaketara aurkeztutako argazki guztiak ikusi ahalko dira. Horrekin batera, irabazleek argazkiekin aurkezpena prestatu beharko dute power-point, prezi edo bestelako euskarrian egindako bidaia kontatzeko. Aurkezpen publikoak Gasteizko lau auzo desberdinetan antolatuko dira euskararen normalizazioaren testuinguruan lan egiten duten GEU, Sarburu eta Zizta elkarteekin elkarlanean. * Lehiaketaren oinarriak: Oinarriak_GasteiztarrakArraunTheWorld_2017 Bidaiaz gozatu eta guri kontatu!
X