Oihaneder Euskararen Etxea

Munduan zehar arraunean egin eta bueltan kontatzeko prest? Aurten ere baduzu udako bidaiak argazki eta hitzen bidez non kontatu! Oihaneder Euskararen Etxeak eta Gauekoak-ek emango dizute horretarako aukera!

• Argazki-hizki lehiaketan parte hartzeko:

1. Hogei argazkidun argazki-sorta aurkeztu behar da, eta argazki-sortari nahiz argazki bakoitzari euskarazko izenburua jarri.
2. Horrekin batera, egindako bidaiaren azalpen laburra bidali behar da (1500-2000 karaktere).
3. Argazki eta testuak oihaneder@oihaneder.eus helbidera bidali behar dira.
4. Horrez gain, lehiakide bakoitzak sortako argazki bat aukeratu eta Facebook, Twitter edo Instagram-era igo beharko du bere argazki sortaren izenburua zehaztuz. Igotzean #GasteiztarrakArraun traola erabili beharko du eta @oihaneder_etxea eta @gauekoak aipatu.

• Parte hartzeko epea:

Ekainaren 21etik irailaren 21era bitartean (biak barne)

• Sariak:

Lau argazki-sorta sarituko dira (250 € sorta bakoitzeko). Saritutako lau lanen egileek abenduan Durangoko Euskal Liburu eta Disko Azokan asteburu pasa kulturala irabaziko dute: 2 pertsonentzako bi gautako egonaldia Durango ondoko Garaiko landetxean (150 €)  eta azokan gastatzeko 100 €ko bonoa

Sariak bi kategoriatan banatuko dira eta kategoria bakoitzean bi sari izango dira:

1) 18-30 urte bitartekoak

2) 30 urtetik gorakoak.

• Argazki erakusketa eta aurkezpen publikoak:

Udazkenean saritutako lau argazki-sortekin erakusketa egingo da Oihaneder Euskararen Etxean (sorta bakoitzetik erakusketan jartzeko 6 argazki aukeratuko ditu egileak) eta pantaila digital batean lehiaketara aurkeztutako argazki guztiak ikusi ahalko dira.

Horrekin batera, irabazleek argazkiekin aurkezpena prestatu beharko dute bizitako bidaia kontatzeko (power-point, prezi edo bestelako euskarrian).

Aurkezpen publikoak Gasteizko lau auzo desberdinetan antolatuko dira euskararen normalizazioaren testuinguruan lan egiten duten GEU, Sarburu eta Zizta elkarteekin elkarlanean.

* Lehiaketaren oinarriak: Oinarriak_GasteiztarrakArraunTheWorld.2018

Bidaiaz gozatu eta guri kontatu!

Aurtengo Irri-barra gauak jaialdian bi proposamen berri izango dira Falerina lorategian umore gauez gozatzeko: Zaharrak berri (Astolasterrak) eta Putinen guardasola.

Lehenengo saio honetan Ay! antzerki taldeko Nerea Gorriti eta Barbara Rivas hurbilduko dira gurera beren antzezlan berezia oholtzara eramateko.

Zaharrak berri Euskal Herriko antzerki herrikoiaren jatorria ikertzeko interesa eta antzerki mota hau egungo publikoarekiko sentikortasunarekin lotzeko helburuarekin sortzen da. Taldearen ideia, jarrera eta nortasun herrikoia duten antzezpen hauek oraingo espazio eta publikora moldatzea da.

Sinopsia:

Bi aktore, jai herrikoi, inauteri eta maskaradetan erabiltzen diren jantzi tradizionalak soinean dituztela, musika eta kantuen bidez antzezpenari hasiera emango diote. 1818. urtean kokatuta gaude, eta astolasterrak debekatu egin dira. Hala ere, emanaldi “klandestinorekin” aurrera egitea erabakitzen dute. Antzezlana, hiru pieza satirikoz osatuta dago, eta aktoreek pertsonai ezberdinei bizitza emango diete, musika eta dantzarekin nahastuz. Emanaldi osoan zehar, antzezleek beraien istorio pertsonalei buruz eta garai hartako emakumearen posizioaren aldarrikapenari buruz hitz egingo dute. 

Fitxa:

• Konpainia: Ay Teatro!
• Aktoreak: Nerea Gorriti eta Barbara Rivas
• Zuzendaria: Francisco Lidón

Irri Barra gauak jaialdiaren bigarren saio honetan Inazio Tolosak eta Ramon Agirrek beren ohiko umorea ekarriko dute falerina lorategira. Oraindik Gasteizko publikoak ikusteke duen lana ekarriko dute: Putinen guardasola

Sinopsia:

Lehendakaria kezkatuta dago. "Euskaldun guztiok batuko gaituen Himnoa behar dugu" aitortu du. Baina nork egingo du? Bilera luze baten ondoren konsensua lortu dute. Ray eta Nik izango dira Euskal Ereserkiaren egile.        Erronka haundia bi artista hauentzat. Talentua eta eskarmentua nahikoa badute ere metodo berri bat asmatu behar izan dute erronka horri aurre egiteko. Metodo Mistoa.        Orain herriz herri ibiliko dira euskaldun orok ikasi eta bere egin dezan Euskal Ereserki Berria.