Iparralde gizarte etxean bertso lantegia egiten da urtero, bertsotan hasteko ikastaroa hain zuzen ere. 2003. urtean egin zer lehen aldiz, eta ordutik hona hainbat pertsona pasatu dira bertatik. Arabako Bertsozale Elkarteak ematen ditu eskolak, bertsolaritzaren teknikak, neurriak, errimak eta neurriak ezagutarazteko, bat-batekotasuna sustatzeko eta hitzekiko jolasaren bitartez gozatzeko. Noizean behin, gonbidaturen bat ekartzen dute ikastarora, Udalaren Liburutegi Sarearen laguntzarekin, eta horrelakoetan saio irekiak antolatzen dira, ikasleentzat ez ezik gainerako zaletu guztientzat ere.
Martxoaren 20an, 19:00etan, Rikardo Gonzalez de Durana arituko da Iparralde gizarte etxeko liburutegian, Ahobizarrik gabe izenburupean. Sarrera librea da.
Burura datorkion lehen gauza esateko fama dauka. Ahobizarrik gabe egiten du bertsotan. Beste inor ausartzen ez den gauzak esaten ditu. Horregatik sortzen du halako ikusmina agertzen den toki guztietan. Zuekin, borroka askotatik bizirik atera den Oreitiako urretxindorra, Rikardo Gonzalez de Durana, gure “Donald Trump”.
