Kortxeak & krispetak zikloak agur esango digu ostiral honetan, uztailak 17. Aurtengo azken kortxeak eta krispetak rockaren bueltan eskainiko dira.
21:30ean Bartzelonatik Gasteizera salto egin eta kontzertua eskainiko du Peachy Joke talde tolosarrak. Taldea eta antolakuntzari ez dagozkion arrazoiak direla eta azkenean Unclose taldeak ez du joko.
00:00etan Control filma proiektatuko da, musika eta zinema uztartu dituen zikloari amaiera borobila emanez.
Eguraldi txarra egitekotan zinema lorategiko karpan eskainiko da.
Kortxeak & krispetak musika eta zinema zikloa uztailaren 3an abiatu zen. Euskararen Etxearen udako lorategian Jazz 4 Joy eta The Cherry Boppersek jarri zituzten swingaren kortxeak, ehundaka lagunen gozamenerako. Gauerdian elur-zuloaren alboko harresian Swing Kids filma proiektatu zen, jatorrizko bertsioan (ingelesez) eta euskarazko azpitituluekin. Benetan atsegina ilargipean zinemaz gozatzea. Giro hurbila eta atsegina izan nagusi.
Uztailaren 10ean folk-rockaren txanda izan zen. John Berkhout talde oiartzuarraren eskutik hasi zen giroa epeltzen eta Searching for Sugar Man dokumentalak ederki berotu gintuen, gaua fresko bazegoen ere.
Zikloa iruditan: