Liburu Eguna dela eta, Udalaren Liburutegi Sareak programazio berezia prestatu du egun hauetarako, horien artean Xabier Amuriza idazle eta bertsolariaren Zein ongi bizi zen Ulises izeneko monologo literarioa.
Aldabeko gizarte etxeko liburutegian arituko da Xabier Amuriza, apirilaren 25ean (asteartea), 19:00etan. Sarrera librea.
“Bat-batean konturatu nintzen Ulises nintzela”. Horrela hasten den kondairak postari-mezulari baten 24 orduko egun bat biltzen du, non, pertsonaia eta abentura ugarietan zehar, herri-jakituriaren eta jakituria kultuaren konbinazio bat garatzen baita. Autoreak dioenez, “umorea baztertu gabe, ingenioa bilatzen da”.
