Rockomikiak erakusketak Gasteizko azken binetak eta notak marraztu eta jo ditu. Martxoaren 7an inauguratu eta maiatzaren 3an ateak itxi bitartean 4324 lagun igaro dira Oihaneder Euskararen Etxeko ur biltegitik erakusketaz gozatzera. Erakusketak 30-65 urte bitarteko bisitariak erakarri ditu nagusiki, baina 15-30 urte bitarteko gazteak ere hurbildu dira, bisitarien % 20tik gora adin tarte horretan kokatu da.
80. eta 90. hamarkadan musikaren, hitzen eta irudien bitartez sortutako kulturan oinarritutako erakusketak, Donostian sortua, TMEO, Sancho el Sabio Fundazioa, Hala Bedi irratia, The Arlotes eta dozenaka norbanako izan ditu bidelagun gurean. Elkarlan horren uzta ezin oparoagoa izan da; Asisko Urmeneta, Harkaitz Cano, Juanma Sarasola, Koldo Almandoz eta David Zapirain erakusketaren komisarioak, Iñaki Otamendi, Garbiñe Ubeda, Yurre Ugarte, Mikel Valverde, Koldo Uriarte, Aritza Saenz del Castillo, Amorante, dozenaka euskara ikasle eta mintzalagunen bisita gidatuak, wikipedia tailerrean landutako Rockomikiak wikiproietua…
Hizlariei, musikariei, marrazkilariei, artistei, bisitariei, pentsalariei, mailegatzaileei, gidariei, sortzaileei… guztiei mila mila esker!
Esan ohi denez, irudi batek mila hitzek baino gehiago adierazten du, beraz…
