Oharra: Oihaneder Euskararen Etxeak egoera zail honetan, jasotako gomendioei eta aginduei jarraiki, JARDUERA GUZTIAK BERTAN BEHERA utziko ditu larrialdia baretu arte.
Poetak Maiatzean jaialdiak aurrera darrai, eta Oihanederren egingo duen bigarren geldialdian Antton eta Maiteren musikaz eta hitzez gozatzeko aukera izango da.
Ikuskizun honetan literatura eta musika uztartuko dira. Antton Aranburuk Kaosetik Kosmosera bidaiatzera gonbidatuko gaitu, istorio bitxiz beteriko kontakizunekin eta kantekin. Anttonen ahots eta gitarrari Maite Kareaga ere batuko zaio, ipuinak errezitatzeko eta bere koruekin abestiak kolore biziagoz janzteko.